२० कार्तिक , स्वच्छखबर, पोखरा । पोखरामा प्रदशर्नमा उत्रिएका रास्वपा कार्यकर्तामाथि प्रहरीले मंगलबार अश्रुग्याँस प्रहार गरेको छ । मंगलबार रास्वपाका नेता कार्यकर्ताले रत्नचोकहुँदै वाइ चोकमा निषेधित क्षेत्र तोड्न खोजेपछि प्रहरीले अश्रुग्यास प्रहार गरेको हो । पार्टी सभापति रवि लामिछाने पोखराको सूर्यदर्शन सहकारी ठगी प्रकरणमा पक्राउ गरेको विरोधमा रास्वपाका कार्यकर्ता प्रदर्शन उत्रिएका छन् ।

उनीहरुले राजनीतिक पूर्वाग्रह राखेर पार्टी सभापतिलाई पक्राउ गरेको भन्दै विरोध प्रदर्शन गर्दै आएका छन् । लामिछानेलाई तेस्रो पटक म्याद थप गर्न मंगलबार कास्की जिल्ला आदालतमा उपस्थित गराइएको छ ।