राष्ट्रियसभा निर्वाचनका उम्मेदवारले तीन लाख ५० हजारसम्म खर्च गर्न पाउने
२९ पुष २०८०
![](https://www.swachhakhabar.com/wp-content/uploads/2023/12/election-commission.webp)
२९ पुष, स्वच्छखबर, काठमाडौँ । निर्वाचन आयोगले राष्ट्रियसभा निर्वाचनका लागि उम्मेदवारले गर्न पाउने खर्चको सीमा तोकेको छ । माघ ११ गते हुने निर्वाचनका लागि उम्मेदवारले राष्ट्रियसभा सदस्य निर्वाचन ऐन, २०७५ को दफा ६५ तथा राष्ट्रियसभा सदस्य निर्वाचन नियमावली, २०७६ को नियम ४६ (१) सँग सम्बन्धित अनुसूची–१ अनुसार खर्च गर्न पाउने छन् । उम्मेदवारले तीन लाख ५० हजार रुपैयाँसम्म खर्च गर्न पाउने आयोगले जनाएको छ ।
उक्त खर्च मतदाता नामावली खरिद, सवारी साधन, सवारी सधानको इन्धन, प्रचारप्रसार सामग्री, ढुवानी, गोष्ठी, अन्तरक्रिया, कार्यालय सञ्चालन, प्रतिनिधि परिचालन र विविध शीर्षकमा गर्न सकिने सहसचिव एवम् प्रवक्ता शालिग्राम शर्मा पौडेलले जानकारी दिए ।
Post Views: 6
प्रतिक्रिया दिनुहोस्: