साढे चार करोड ठगीको आरोपमा देउराली बचतका अध्यक्ष चौलागाईं पक्राउ
१८ आश्विन २०८०
![](https://www.swachhakhabar.com/wp-content/uploads/2023/10/bachat-760x500-1.jpeg)
१८, असोज, स्वच्छखबर, काठमाडौँ । सहकारीमा बचतकर्ताको रकम हिनामिना गरेको आरोपमा देउराली बचत तथा ऋण सहकारी संस्थाका अध्यक्ष रविन्द्र चौलागाईं पक्राउ परेका छन् ।
नेपाल प्रहरीको केन्द्रीय अनुसन्धान ब्युरो (सीआईबी)ले सहकारीका अध्यक्ष चौलागाईंलाई पक्राउ गरेको हो । सीआईबीका प्रवक्ता एसपी नवराज अधिकारीका अनुसार चौलागाईंले निक्षेपकर्ताहरूको रकम हिनामिना गरेको उजुरी परेपछि पक्राउ गरेको जानकारी दिए ।
प्रहरीकाअनुसार चौलागाईंले ४ करोड ४९ लाख ९९ हजार ४ सय ४३ रुपैयाँ ठगी गरेका छन् । उनले निक्षेपकर्ताहरुलाई आर्कषक ब्याजदर दिन्छु भनी प्रलोभन देखाई निक्षेपकर्ताको रकम सहकारी मुद्दती, निक्षेप, आवधिक बचत, शेयर तथा विभिन्न बचत खातामा जम्मा गर्न लगाएका थिए ।
Post Views: 10
प्रतिक्रिया दिनुहोस्: