जोर्ते पहिरोमा स्कार्पियो जीप पुरिंदा एक महिलासहित तीनको मृत्यु, आठ घाइते
१३ भाद्र २०८०
![](https://www.swachhakhabar.com/wp-content/uploads/2023/08/jeep.png)
१३ भाद्र, स्वच्छखबर, पाल्पा। पाल्पाको जोर्तेमा सुख्खा पहिरोले स्कार्पियो पहिरोले पुरिंदा एक महिलासहित तीन जनाको घटनास्थलमै मृत्यु भएको छ । तम्घासबाट बुटवलका लागि छुटेको लु १ ज ४६०० नम्बरको स्कारर्पियो आज बिहान ढुंगासहितको पहिरोले पुरिएर हो ।
दुर्घटनामा मृत्यु हुनेको सनाखत हुन सकेको छैन । जिल्ला प्रहरी कार्यालय पाल्पाका सूचना अधिकारी वीरेन्द्र थापाका अनुसार उक्त दुर्घटनामा आठ जना घाइते भएका छन् ।
घाइतेलाई उद्दार गरी अस्पताल पठाइएको प्रहरीले जनाएको छ । स्थानीय र प्रहरीसहितको टोली उद्दारमा लागेको छ । सुख्खा पहिरोले स्कार्पियो च्यापिएर सडकको छेउमा रहेको छ ।
दुर्घटनास्थल तानसेन तम्घास सडक खण्डमा पर्छ । दुर्घटनाबारे थप विवरण आउँन बाँकी रहेको प्रहरीले जनाएको छ ।
Post Views: 7
प्रतिक्रिया दिनुहोस्: