अन्ततः कांग्रेसमै फर्किए पुरुषोत्तम ढुंगेल
१३ आश्विन २०७९
![](https://www.swachhakhabar.com/wp-content/uploads/2022/09/Prakashman-Singh-and-Purushottam-Dhungel.jpg)
१३ असोज,स्वच्छखबर,काठमाडौं । गत निर्वाचनमा काठमाडौं क्षेत्र नं. १ (ख)बाट प्रदेश सभा सदस्यमा विवेकशील साझाबाट उमेदवार बनेका पुरुषोत्तम ढुंगेल आज नेपाली कांग्रेसमा प्रवेश गरेका छन् ।
उनलाई कांग्रेस नेता प्रकाशमान सिंहले आज बिहान एक कार्यक्रमका बिच नेपाली कांग्रेसमा स्वागत गरेका हुन् ।
ढुंगेल ३० वर्ष लामो कांग्रेसको राजनीति छाडेर विवेकशील साझामा प्रवेश गरेका थिए । विवेकशील साझाका तत्कालीन अध्यक्ष रवीन्द्र मिश्रले उनलाई काठमाडौं क्षेत्र नम्बर १ (ख)को उम्मेदवार बनाएका थिए । तर उनी पराजित भएका थिए ।
रवीन्द्र मिश्र बुधबारमात्रै राप्रपामा प्रवेश गरेका छन् र उनले शुक्रबार काठमाडौं क्षेत्र नम्बर १ बाट प्रतिनिधि सभा सदस्यको उम्मेदवार घोषणा गर्दैछन् ।
Post Views: 11
प्रतिक्रिया दिनुहोस्: