महिला टी–२० आईमा नेपालको लगातार दोस्रो जित
६ भाद्र २०८०
![](https://www.swachhakhabar.com/wp-content/uploads/2023/08/t.webp)
६ भाद्र, स्वच्छखबर, काठमाडौं । चार देश सम्मिलित टी–२० शृङ्खलामा नेपालले कुवेतलाई ३४ रनले हराएको छ । नेपालले दिएको ९० रनको सामान्य लक्ष्य पछ्याएको कुवेतले निर्धारित २० ओभरमा ८ विकेट गुमाएर ५५ रनमात्रै बनाउन सक्यो ।
कुवेतका लागि जीफा जिलानीले सर्वाधिक ११ रन बनाइन् । बलिङतर्फ नेपालकी इन्दु बर्माले ३, खुशी डङ्गोलले २ तथा कविता कुँवर, सीता राना मगर र ईश्वरी विष्टले १/१ विकेट लिइन् । यसअघि मलेसियाको वायुमास ओभलमा टस हारेर पहिले ब्याटिङको निम्तो पाएको नेपालले निर्धारित २० ओभरमा ८ विकेट गुमाएर ८९ रन बनायो । नेपालका लागि इन्दु बर्माले सर्वाधिक २३ रन बनाइन् ।
बलिङतर्फ कुवेतकी मारिमा हेडरले ४ विकेट लिइन् । शनिबारसम्म हुने शृङ्खलामा नेपालसहित घरेलु टोली मलेसिया, कुवेत र हङकङले खेल्दैछन् । नेपालले बिहीबार घरेलु टोली मलेसियासँग खेल्नेछ ।
Post Views: 10
प्रतिक्रिया दिनुहोस्: