टोपेखोलामा सुक्खा पहिरो जाँदा नारायणगढ–मुग्लिन सडक अवरुद्ध
४ भाद्र २०८०
![](https://www.swachhakhabar.com/wp-content/uploads/2023/08/muglin-road-2-760x500-1.jpg)
४ भाद्र, स्वच्छखबर, चितवन । नारायणगढ–मुग्लिन सडक खण्डअन्तर्गत टोपेखोलामा सुक्खा पहिरो खस्दा सडक अवरुद्ध भएको छ । इच्छाकामना गाउँपालिका–६ टोपेखोलामा सोमबार राति ८ बजे पहिरो खसेको हो ।
जिल्ला प्रहरी कार्यालय चितवनका प्रवक्ता प्रहरी नायब उपरीक्षक विजयराज पण्डितका अनुसार सुक्खा पहिरो खसी दुईतर्फी सडक अवरुद्ध भएको हो । सडक अवरुद्ध भएसँगै सो सडक भएर चल्ने सवारी साधन रोकिएका छन् । पहिरो पन्छाउनका लागि सडक डिभिजन कार्यालय चितवनसँग समन्वय भइरहेको उनले जानकारी दिए । सो सडक खण्डमा बर्सात सुरु भएसँगै पटक पटक पहिरो खस्ने गरेको छ ।
Post Views: 7
प्रतिक्रिया दिनुहोस्: