सुन तस्करी प्रकरणमा थप चारजना चिनियाँ पक्राउ
३१ श्रावण २०८०
![](https://www.swachhakhabar.com/wp-content/uploads/2023/08/CIB-NEPAL-760x500-1.webp)
३१ श्रावण, स्वच्छखबर, काठमाडौं । सुन तस्करी प्रकरणमा थप चार चिनियाँ नागरिक पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सीआईबी)ले थप चार जना चिनियाँलाई पक्राउ गरेको हो ।
नेपाल प्रहरीका प्रवक्ता डीआईजी कुवेर कडायतले सुन तस्करी प्रकरणमा थप चार चिनियाँलाई काठमाडौंबाट पक्राउ गरेको जानकारी दिएका छन् । प्रहरीले मंगलबार ३० लाख नगदसहित तीन चिनियाँ नागरिकलाई पक्राउ गरेको थियो ।
साउन २ गते राजश्व अनुसन्धान विभागको टोलीले विमानस्थल भन्सार जाँचपछि बाहिर ल्याउने क्रममा सुन बरामद गरेको थियो । विभागले बरामद गरेको सुन गालेर जोख्दा ६० किलो ७८९ ग्राम भएको थियो । सुन तस्करी प्रकरणमा यसअघि १७ जना पक्राउ परिसकेका छन् ।
Post Views: 13
प्रतिक्रिया दिनुहोस्: