जीबी राईको राहदानी रद्द गर्न जिल्ला अदालत कास्कीको अनुमति
४ माघ २०८१

पोखरा । पोखराको सूर्यदर्शन सहकारी ठगी मुद्दामा फरार जीबी राईको राहदानी रद्द गर्न जिल्ला अदालत कास्कीले आदेश दिएको छ ।
शुक्रबार न्यायाधीश हिमलाल बेल्बासेको इजलासले राईको राहदानी रद्द गर्न आदेश दिएको हो । अदालतका स्रेस्तेदार राजन खनालले राईको राहदानी रद्द गर्न राहदानी विभागमा पत्र पठाउन आदेश भएको जानकारी दिए ।
जिल्ला प्रहरी कार्यालय कास्कीले सरकारी वकिल कार्यालयमार्फत राईलाई विदेशबाट पक्राउ गरी नेपाल ल्याउनका लागि राहदानी रद्द गर्न माग गर्दै अदालतमा निवेदन दिएको थियो । उनीविरुद्ध सहकारी ठगी, संगठित अपराध र सम्पत्ति शुद्धीकरणमा अदालतमा मुद्दा विचाराधिन छ
प्रतिक्रिया दिनुहोस्: