ठूला दलबाट नै अहिलेको व्यवस्था खतरामा रहेको रवि लामिछानेको आरोप
१६ कार्तिक २०८०
![](https://www.swachhakhabar.com/wp-content/uploads/2023/11/rabi-2-760x500-1.webp)
१६ कार्तिक स्वच्छखबर, काठमाडौँ । राष्ट्रिय स्वतन्त्र पार्टीका सभापति रवि लामिछानेले ठूला दलबाट नै अहिलेको व्यवस्था खतरामा रहेको आरोप लगाएका छन् । बिहीबारको प्रतिनिधिसभा बैठकमा सभापति यो व्यवस्थामाथि ठूला दलबाट खतरा रहेको आरोप लगाएका हुन् ।
उनले ठूला दल प्रणाली जोगाउनभन्दा पनि आफ्ना मान्छे जोगाउन र छुटाउन लागिपरेको बताए । उनले भने, ‘व्यवस्था जोगाउने जनता छन् । तपाईंहरूबाट खतरा छ । यो व्यवस्था कसको कारण खतरामा छ, छुट्याउन जरुरी छ ।’
उनले संसदमा शीर्ष नेताको कुण्ठा मात्र चलेको बताए । यो अधिवेशनमा ६१ करोड १० लाख खर्च भए पनि सांसदको आवाज नसुनेको सरकारले जनताको आवाज सुन्न नसकेको उनले बताए ।
Post Views: 10
प्रतिक्रिया दिनुहोस्: