माल्दिभ्सलाई १ सय ३८ रनले पराजित गर्दै नेपाल विजयी
१४ आश्विन २०८०
![](https://www.swachhakhabar.com/wp-content/uploads/2023/10/nepali-cricket13-760x500-1.webp)
१४, असोज, स्वच्छखबर, काठमाडौं । चीनमा जारी १९ औँ एसियाली खेलकुद अन्तर्गत क्रिकेटमा माल्दिभ्सलाई पराजित गर्दै नेपाल विजयी भएको छ । आइतबार भएको खेलमा नेपालले माल्दिभ्सलाई १ सय ३८ रनको फराकिलो अन्तरले पराजित गरेको हो ।
२ सय १३ रनको लक्ष्य पछ्याएको माल्दिभ्स १९ दशमलव ४ ओभरमा ७४ रन बनाएर अलआउट भयो । यसअघि टस जितेर पहिले ब्याटिङ गरेको नेपालले निर्धारित २० ओभरमा ७ विकेट गुमाउँदै २ सय १२ रनको योगफल खडा गरेको थियो ।
जितसँगै नेपाल क्वार्टारफाइनलमा प्रवेश गरेको छ । समूह ‘ए’ को विजेता बन्दै नेपाल अन्तिम आठमा पुगेको हो। अब अन्तिम आठमा नेपालले भारत, पाकिस्तान, बंगालदेश र श्रीलंका मध्ये एक टिमसँग प्रतिस्पर्धा गर्नेछ।
Post Views: 9
प्रतिक्रिया दिनुहोस्: