सर्वोच्चमा न्यायाधीशको सेवा अवधि सात वर्ष कायम गर्न बारको माग
१३ आश्विन २०८०
![](https://www.swachhakhabar.com/wp-content/uploads/2023/09/nepal-bar-associationn.webp)
१३, असाेज, स्वच्छखबर, काठमाडौं ।नेपाल बार एसोसिएसनले सर्वोच्च अदालतका न्यायाधीशको सेवा अवधि सात वर्षमात्रै हुने व्यवस्था गर्न माग गरेको छ । सुर्खेतको वीरेन्द्रनगरमा सम्पन्न वार्षिक साधारणसभाले लामो अवधिका लागि सर्वोच्चमा न्यायाधीश नियुक्त गर्दा न्याय सम्पादनमै असर परेको ठहर गर्दै सेवा अवधि सात वर्ष कायम गर्न माग गरेको हो ।
त्यस्तै, सबै तहका अदालतहरूमा रिक्त न्यायाधीशहरूको नियुक्ति गर्न न्याय परिषद्को ध्यानाकर्षण गर्ने निर्णय पनि गरेको छ । न्यायाधीश नियुक्ति गर्दा संविधान र कानुनको मर्म र भावना अनुरुप योग्य र सक्षम न्यायाधीशहरु नियुक्त गर्न परिषद्को ध्यानाकर्षण गराउने निर्णय भएको बारले जनाएको छ ।
Post Views: 7
प्रतिक्रिया दिनुहोस्: