विष्णु पौडेलको वडामा ३० वर्षपछि एमाले हार्यो, कांग्रेस उम्मेदवार पंगेनी विजयी
६ जेष्ठ २०७९
![](https://www.swachhakhabar.com/wp-content/uploads/2022/05/Yagya-Prakash-Pangeni-NC-Butwal-8-1024x661-1.jpg)
६ जेठ, स्वच्छखबर। नेकपा एमालेका उपाध्यक्ष एवं पूर्व अर्थमन्त्री विष्णु पौडेलको वडा बुटवल उपमहानगरपालिका–८ को अध्यक्षमा नेकपा एमालेका उम्मेदवार पराजित भएका छन् ।
एमालेका पूर्वनगर कमिटी अध्यक्ष ज्ञानप्रसाद अर्याललाई ३५ मत अन्तरले पछि पार्दै नेपाली कांग्रेसका उम्मेदवार यज्ञप्रसाद पंगेनी विजयी भएका छन् ।
यो वडामा ३ हजार ४३० मत खसेको थियो । यो वडा बुटवलका पूर्व नगर प्रमुख एवं प्रदेश सरकारका पूर्वमन्त्री एमाले नेता भोजप्रसाद श्रेष्ठ, एमालेका स्वर्गीय नेता रामनाथ ढकालको पनि वडा हो ।
यो वडामा २०४९ सालयता पहिलोपटक नेपाली कांग्रेस विजयी भएको हो ।
सम्बाददाताः मोतीलाल भारती
Post Views: 13
प्रतिक्रिया दिनुहोस्: